1. Оештыру өлеше.

а) Исәнләшү ( Хәл сорашу. Бер-берсенең кул бирешеп исәнләшүе).

б) ишетеп аңлау күнегүләре:

Тыңлагыз. W авазы булган сүзләрне әйтегез:

Тавык, вагон, бавырсак, велосипед, автобус, авыл.

Тыңлагыз, артык сүзне әйтегез:

Кош теле, бәлеш, өчпочмак, кашык, кыстыбый, чәкчәк.

2. Актуальләштерү өлеше.

а) өй эшен тикшерү (кыстау һәм рәхмәт әйтү формаларын ятларга иде).

Кыстау формалары:

1. хуш килдегез.
2. рәхим итегез.
3. ашларыгыз тәмле булсын.
4. тагын килегез.

Мактау һәм рәхмәт әйтү формалары:

1. бик тәмле булды.
2. рәхмәт яусын.
3. син үзең пешердеңме?
4. нинди тәмле! Бу нәрсә?

б) татар халык ашларын кабатлау.

1нче номерлы укучылар папкадан кәгазь битләре алыгыз, бер-берегезгә таратыгыз. Һәрберегез татар халык ашларының исемнәрен язып чыгыгыз.

а) Raund Table.

 ( укучылар 1:2:3:4:1 структурасы белән бер кәгазь битендә генә чиратлашып кыстау һәм рәхмәт әйтү формаларын язалар).

2нче номерлы укучылар җавап бирә.

б) Stir the Class (“Бас! Иптәшеңне тап! Өстә!” структурасы).

1нче номерлы укучылар папкадан кәгазь битләре алалар, бер-берсенә тараталар. Һәрберсе татар халык ашларының исемнәрен язып чыгалар. Аннан соң укучылар сыйныф буенча йөреп парлар табалар һәм кәгазь битләрендә булмаган ризык исемен өстиләр. 3нче номерлы укучылар җавап бирә.

3. Уку мәсъәләсен кую.

“Бу нәрсә?” Презентациядәге кроссвордны чишү.

Нинди сүз килеп чыкты? (кунаклар). Димәк, без бүген нәрсә турында сөйләшербез? (кунаклар чакыру, аларны кыстау).

4. Уку мәсъәләсен өлешләп чишү.

1. 62нче битне ачыгыз, шигырьне табыгыз. Шигырьне кем язган? (Шәүкәт Галиев) Без Ш.галиевнең тагын нинди шигырьләрен беләбез? (“Онытылган, өйдә калган”).

Мин шигырьне укыйм, сез тыңлагыз һәм китаптан укыгыз.

Тагын мин укыйм, ә Саша тактада рәсем ясый.

Хәзер китапны ябып куябыз. Шигырьдә мондый җөмләләр бармы? Таблицаның “до” ягын тутырыгыз.

2. Шигырьне анализлау.

1.       Без нәрсә әзерлибез? (табын)
2.       Чәчәк кайда? (уртада)
3.       Чәчәк янына нәрсә куйдык? (чәкчәк)
4.       Өстәлдәнинди ризыклар бар? (кош теле, кыстыбый һ.б.)
5.       Кем кыстый? (хуҗалар)
6.       Ничек кыстыйлар? (җитешегез кунаклар, кыстатмагыз кунаклар).

Ә хәзер таблицаның “после” ягын тутырыгыз.

Anticipation-Reaction Guade

Укытучы шигырьне укый, укучылар китап буенча карап баралар, бер укучы тактада шигырь буенча рәсем ясый. Аннан соң таблицаның “до” ягы тутырыла. Шигырь бөтенләй анализлангач, таблицаның “после” ягы тутырыла.

5. Физкультминут.

Хәзер ял итеп алабыз.

 Corners (“почмаклар”)

1нче күнегүне эшләү.

Укытучы ризык исемен әйтә, укучылыр почмакларга йөгерәләр (“ашыйбыз” почмагы, “эчәбез” почмагы).

6. Рефлексив кабатлау.

Ситуатив күнегү. Бүген сезгә кунаклар килә.

Кара-каршы бер-берегезне сыйлагыз, кыстау һәм рәхмәт формаларын кулланыгыз.

Берничә диалог тыңлана.

Relly Robin  (кара-каршы сөйләшү)

1, 2нче укучылар – кунаклар.

3, 4 нче укучылар – хуҗалар.

(укучылар партадагы рәсемнәрне кулланып диалог төзиләр)

7. Йомгаклау.

а) өй эше бирү.

б) билгеләр кую.

1) шигырьне ятларга; 2) шигырьгә рәсем ясарга.